Khutbah Jumat Bahasa Sunda: Lima Kahadean Anu Teu Mangpaat keur Jalma Lalawora

Ada beberapa kebaikan yang tidak memberikan manfaat bagi orang-orang yang lalai dalam menjalankan kewajiban dan perintah Allah swt. Karena itu, umat Islam perlu senantiasa menjaga keimanan, meningkatkan ketakwaan, dan menjauhi perbuatan yang dapat menghilangkan pahala amal kebaikan.

Teks khutbah Jumat berikut berjudul Khutbah Jumat: Lima Kahadean Anu Teu Mangpaat keur Jalma Lalawora. Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat.

Khutbah I

اَلْحَمْدُ لِلّٰهِ الَّذِيْ أَنْعَمَ عَلَيْنَا بِنِعَمِهِ، وَهَدَانَا إِلَى دِيْنِهِ، وَفَضَّلَنَا بِالْإِيْمَانِ وَالْإِسْلَامِ. نَحْمَدُهُ سُبْحَانَهُ وَنَشْكُرُهُ، وَنَتُوْبُ إِلَيْهِ وَنَسْتَغْفِرُهُ. أَشْهَدُ أَنْ لَا إِلٰهَ إِلَّا اللّٰهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ. اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ. أَمَّا بَعْدُ.
فَيَا عِبَادَ اللّٰهِ، أُوْصِيْكُمْ وَإِيَّايَ بِتَقْوَى اللّٰهِ، فَقَدْ فَازَ الْمُتَّقُوْنَ- يَا أَيُّهَا الَّذِيْنَ آمَنُوا اتَّقُوا اللّٰهَ حَقَّ تُقَاتِهِ وَلَا تَمُوْتُنَّ إِلَّا وَأَنْتُمْ مُسْلِمُوْنَ

Maasyiral Muslimin, hadirin sidang Jumat anu dimulyakeun ku Allah

Dina ieu kasempetan anu mulya, hayu urang sami-sami ningkatkeun takwa ka Allah SWT, ku jalan ngalaksanakeun sagala parentah-Na jeung ngajauhan sagala larangan-Na.

Aya hiji perkara anu perlu urang pikirkeun jeung urang renungkeun babarengan. Allah SWT parantos maparin kacida lobana kahadean ka urang sadaya. Sakabehna mangrupa nikmat ti Allah. Sakabehna bisa jadi jalan pikeun ngahontal kahadean. Malah bisa jadi sabab kasalametan, lamun urang daek ngamangpaatkeunana kalawan hade.

Ku sabab eta, hayu urang sami-sami ngalenyepan lima perkara anu bisa dijadikeun panggeuing pikeun kahirupan urang.

Nu kahiji, urang kudu ngalenyepan hiji perkara, nyaeta nalika elmu anu dipimilik ku hiji jalma henteu mere mangpaat lantaran henteu diamalkeun.

Elmu teh hiji kamulyaan. Ku elmu urang bisa nyaho kana kawajiban, ngarti kana larangan, ngabedakeun mana anu halal jeung mana anu haram, sarta nyaho jalan anu diridhoan ku Allah.

Tapi elmu teh aya kawajiban pikeun diamalkeun. Ulah nepi ka urang ngan ukur bisa nyarita, tapi henteu ngalaksanakeun naon anu geus dipikanyaho. Allah SWT ngadawuh:

يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ ۝ كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ

"Hei jalma-jalma anu ariman! Kunaon aranjeun nyarita kana hiji perkara anu henteu dilaksanakeun ku aranjeun? Gede pisan bebendu Allah ka jalma anu nyarita kana hiji perkara, tapi manehna sorangan henteu ngalaksanakeunana." (QS. Ash-Shaff: 2-3).

Sakuduna, elmu anu dipimilik ku urang teh bisa ngarobah kahirupan urang jadi leuwih hade. Jalma anu geus nyaho yen shalat teh wajib, sakuduna beuki rajin ngalaksanakeun shalat. Jalma anu geus nyaho yen ghibah teh dilarang, sakuduna beuki bisa ngajaga omonganana. Jalma anu geus ngarti kana kawajiban hormat jeung ngabakti ka kolot, sakuduna beuki hade kalakuanana ka indung jeung bapana.

Ulah nepi ka elmu urang nambahan, tapi kataatan urang henteu nambahan. Sabab tujuan elmu teh lain saukur sangkan urang loba nyaho kana rupa-rupa perkara, tapi sangkan urang beuki wanoh ka Allah, beuki sieun ngalanggar parentah-Na, jeung beuki hade dina ngalaksanakeun amal kahadean.

Nu kadua: harta jeung umur moal mere mangpaat lamun henteu dipake pikeun ngalaksanakeun kataatan ka Allah.

Nalika ajal geus datang, manusa moal deui menta sangkan kabeungharanana ditambahan. Nu dipiharep ku manehna mah ngan ukur dibere kasempetan deui pikeun sidkah jeung ngalakukeun amal soleh. Tapi lamun kahirupan di dunya geus lekasan, kasempetan pikeun ngalakukeun amal oge geus lekasan.

Ku sabab eta, umur anu dipaparinkeun ku Allah ka urang teh mangrupa kasempetan anu moal bisa diulang deui. Poe anu geus kaliwat moal bisa balik deui. Waktu anu geus kaliwat moal bisa dipenta deui. Ku kituna, mangpaatkeun umur anu masih aya pikeun ngalakukeun amal kahadean, samemeh datang waktu urang teu bisa ngalakukeun nanaon deui.

Rasulullah SAW ngadawuh: "Sae-saena jalma teh nyaeta jalma anu panjang umurna tur hade amalna. Ari jalma anu panggoreng-gorengna nyaeta jalma anu panjang umurna tapi goreng amalna." (HR. At-Tirmidzi).

Nu katilu nalika: Al-Quran moal mere mangpaat ka jalma anu ninggalkeun bacaan jeung pituduhna.

Al-Quran teh Kalam Allah, pituduh pikeun sakumna manusa, cahaya pikeun kahirupan, jeung panungtun pikeun jalma-jalma anu ariman. Allah SWT ngadawuh:

وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَذَا الْقُرْآنَ مَهْجُورًا

"Jeung Rasul ngadawuh, 'Duh Gusti abdi, saenyana kaum abdi geus ngajadikeun Al-Quran ieu hiji perkara anu ditinggalkeun.'" (QS. Al-Furqan: 30).

Dina ayat sejen, Allah SWT ngadawuh:

أَفَلَا يَتَدَبَّرُونَ الْقُرْآنَ أَمْ عَلَىٰ قُلُوبٍ أَقْفَالُهَا

"Naha maranehna henteu daek ngalenyepan eusi Al-Quran? Atawa naha hate maranehna geus kakonci?" (QS. Muhammad: 24).

Ku sabab eta, hayu urang deukeutkeun hate jeung Al-Quran. Sing rajin maca, sing daek diajar kana harti jeung eusina, sarta sing daek ngalaksanakeun sagala pituduh anu aya dina Al-Quran dina kahirupan sapopoe.

Nu kaopat: masjid jeung jalma-jalma soleh moal mere mangpaat ka masarakat anu teu daek nuturkeun ajakan kana kahadean.

Allah geus maparin ka urang masjid pikeun tempat ibadah. Allah oge ngutus para ulama, guru ngaji, jeung jalma-jalma soleh anu ngajak urang kana kahadean. Allah SWT ngadawuh:

إِنَّمَا يَعْمُرُ مَسَاجِدَ اللَّهِ مَنْ آمَنَ بِاللَّهِ وَالْيَوْمِ الْآخِرِ وَأَقَامَ الصَّلَاةَ وَآتَى الزَّكَاةَ وَلَمْ يَخْشَ إِلَّا اللَّهَ

"Saestuna anu ngamumule jeung ngamajukeun masjid-masjid Allah teh jalma-jalma anu iman ka Allah jeung poe akhir, ngadegkeun salat, mayar zakat, sarta teu sieun ka saha-saha iwal ti Allah." (QS. At-Taubah: 18).

Masjid teh lain saukur wangunan. Masjid kudu hirup ku ayana salat berjamaah, pangajian, maca Al-Quran, zikir, jeung rupa-rupa kagiatan anu mawa mangpaat pikeun masarakat.

Syekh Ibnu Athaillah As-Sakandari dina kitab Al-Hikam ngadawuh:

لَا تَصْحَبْ مَنْ لَا يُنْهِضُكَ حَالُهُ، وَلَا يَدُلُّكَ عَلَى اللَّهِ مَقَالُهُ

"Ulah babaturan jeung jalma anu kalakuanana teu bisa ngahudangkeun sumanget urang kana kahadean, jeung omonganana teu nuduhkeun urang kana jalan Allah."

Jamaah anu dimulyakeun ku Allah.

Kacida pentingna masjid jeung lingkungan anu hade pikeun kahirupan urang. Ku sabab eta, hayu urang ngamumule jeung ngamajukeun masjid. Hayu urang deukeut jeung para ulama sarta jalma-jalma soleh. Hayu urang datang ka majelis-majelis ilmu, ajak kulawarga pikeun salat berjamaah, sarta urang babarengan ngawangun lingkungan anu silih ingetkeun kana kahadean.

Nu kalima: panggilan Allah jeung kajadian maot moal mere mangpaat ka jalma anu teu daek nyokot palajaran.

Unggal poe urang ngadenge sora azan. Lima kali sapoe Allah ngagero urang pikeun ngalaksanakeun salat. Rasulullah SAW ngadawuh:

الْعَهْدُ الَّذِي بَيْنَنَا وَبَيْنَهُمُ الصَّلَاةُ، فَمَنْ تَرَكَهَا فَقَدْ كَفَرَ

"Anu ngabedakeun antara urang jeung maranehna (jalma-jalma kafir) teh salat. Saha bae anu ninggalkeun salat, saenyana manehna geus ngalakukeun kakufuran." (HR. At-Tirmidzi, An-Nasa'i, jeung Ahmad).

Azan teh panggero sangkan urang nyanghareup ka Allah. Ku kituna, jawab eta panggero ku cara ngalaksanakeun salat. Ulah nepi ka kasibukan urusan dunya ngahalangan urang tina kawajiban anu geus ditetepkeun ku Allah.

Salian ti azan, aya oge kajadian maot anu unggal poe jadi pangeling-ngeling pikeun urang. Rasulullah SAW ngadawuh:

أَكْثِرُوا ذِكْرَ هَاذِمِ اللَّذَّاتِ

"Perbanyaklah nginget-nginget perkara anu megatkeun sagala kanikmatan, nyaeta maot." (HR. At-Tirmidzi jeung An-Nasa'i).

Jamaah anu dimulyakeun ku Allah.

Maot teh hiji kapastian. Teu aya saurang oge anu bisa nyingkahanana. Dinten ieu urang nganteurkeun batur ka makam. Hiji waktu, urang sorangan anu bakal dianteurkeun ku batur. Dinten ieu urang nangtung ngadoakeun jenazah. Hiji waktu, urang sorangan anu ngabutuhkeun doa ti jalma-jalma anu masih hirup. Dinten ieu urang ningali taneuh nutupan jasad batur. Hiji waktu, taneuh anu sarua bakal nutupan jasad urang.

Ku sabab eta, ulah nepi ka maot teh ngan saukur jadi kajadian anu ditingali ku urang. Jadikeun maot minangka pangajaran pikeun ngomean kahirupan. Salila sora azan masih kadenge ku urang, geura laksanakeun salat. Salila awak masih sehat, gunakeun pikeun ibadah. Salila umur masih aya, perbanyak amal soleh.

Mugia Allah ngajadikeun urang kaasup kana hamba-hamba-Na anu bisa nyokot mangpaat tina unggal kanikmatan jeung pituduh-Na. Mugia Allah SWT salawasna ngajadikeun urang sadayana hamba-hamba anu istiqamah dina kahadean, sarta salawasna dipaparin pituduh jeung pangampura ti Allah SWT. Aamiin.

بَارَكَ اللّٰهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيْمِ، وَتَقَبَّلَ مِنِّيْ وَمِنْكُمْ تِلَاوَتَهُ، إِنَّهُ هُوَ السَّمِيْعُ الْعَلِيْمُ. أَقُوْلُ قَوْلِيْ هَذَا، وَأَسْتَغْفِرُ اللّٰهَ الْعَظِيْمَ لِيْ وَلَكُمْ، وَلِسَائِرِ الْمُسْلِمِيْنَ وَالْمُسْلِمَاتِ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ

Khutbah II

اَلْحَمْدُ لِلّٰهِ حَمْدًا كَثِيْرًا طَيِّبًا مُبَارَكًا فِيْهِ كَمَا يُحِبُّ رَبُّنَا وَيَرْضَى. أَشْهَدُ أَنْ لَا إِلٰهَ إِلَّا اللّٰهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ. اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ.

أَمَّا بَعْدُ، فَيَا عِبَادَ اللّٰهِ، اِتَّقُوا اللّٰهَ حَقَّ تُقَاتِهِ، وَلَا تَمُوْتُنَّ إِلَّا وَأَنْتُمْ مُسْلِمُوْنَ.

قَالَ اللّٰهُ تَعَالَى فِي الْقُرْآنِ الْكَرِيْمِ: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ. صَدَقَ اللّٰهُ الْعَظِيْمُ. إِنَّ اللّٰهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيْمًا.

اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ، كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ، كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، فِي الْعَالَمِيْنَ إِنَّكَ حَمِيْدٌ مَجِيْدٌ.

اَللّٰهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، الْأَحْيَاءِ مِنْهُمْ وَالْأَمْوَاتِ. اَللّٰهُمَّ اغْفِرْ لَنَا ذُنُوْبَنَا، وَاكْفِرْ عَنَّا سَيِّئَاتِنَا، وَتَوَفَّنَا مَعَ الْأَبْرَارِ.

اَللّٰهُمَّ ارْزُقْنَا عِلْمًا نَافِعًا، وَعَمَلًا صَالِحًا، وَقَلْبًا خَاشِعًا، وَلِسَانًا ذَاكِرًا، وَرِزْقًا حَلَالًا طَيِّبًا مُبَارَكًا.

اَللّٰهُمَّ بَارِكْ لَنَا فِيْ أَعْمَارِنَا، وَأَرْزَاقِنَا، وَأَهْلِيْنَا وَأَوْلَادِنَا، اَللّٰهُمَّ رَبَّنَا آتِنَا فِي الدُّنْيَا حَسَنَةً، وَفِي الْآخِرَةِ حَسَنَةً، وَقِنَا عَذَابَ النَّارِ.

عِبَادَ اللّٰهِ، إِنَّ اللّٰهَ يَأْمُرُ بِالْعَدْلِ وَالْإِحْسَانِ وَإِيْتَاءِ ذِي الْقُرْبَىٰ، وَيَنْهَىٰ عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللّٰهَ الْعَظِيْمَ يَذْكُرْكُمْ، وَاشْكُرُوْهُ عَلَى نِعَمِهِ يَزِدْكُمْ، وَلَذِكْرُ اللّٰهِ أَكْبَرُ. وَأَقِمِ الصَّلَاةَ.

Ust. Asep Purnawan, Ketua PAC GP Ansor Cibadak, Sukabumi